Kauff-Brieff

Vmb die Graffschafft Toggenburg/ als solche Abbt Vlrich der VIII. von dem Freyherren von Raren an das Gottshauß St. Gallen umb 14500. Rheinischer Guldin erkaufft.

Jch Petermann von Raren Freyherr/ bekenn und vergich offenlich mit disem Brieff/ für mich und alle min Erben und Nachkomen/ und tuon khundt allen den/die jn fürbaß yemer sechent/ lesent/ oder hören lesen: Daß ich durch mines merckhlichen guotten Nutz und Frommen willen/mit rechter Wüssen wohlbedächtlich/ guotter/ zytlicher Vorbetrachtung/ gesundts Lybs und der Synnen/ ouch mit allen Worten und Getätten/ so denn zuo solichem ist zetuond/und durch die es yetz und in ewig Zit/ vor allen Kouff von Recht/ oder Gewonheit gepürt/ und notdürftig Lüten Richtern und Gerichten/ Gaistlichen und Weltlichen/ und allenthalb gantz Crafft und Macht hat/ haben soll und mag/ für mengklichs Widertailen und Absprechen / und besunder darumb/ daß Jch mit dem Mindern meren Schaden fürkem und understünd/ dem Hochwürdigen Fürsten und Herren/Herren Volrichen Apt/und den Erwirdigen Techant und gemainem Convent deß Gotzhuß Sant Gallen/ Sant Benedicten Ordens / in Costenzer Bistumb gelegen/ und demselben jrem Gotzhuß/ und allen jren ewigen Nachkofmen/ ains steten/ ewigen/ yemerwerenden/ unabgenden Koufs/ recht und redlich verkoufft und zekouffen geben hab / min aigen Graffschafft Toggenburg/ mit sambt den Schlössern Lütispurg/und zum Wildenhuß/ und mit disen nachgeschribnen Täleren und Gegninen: Namlich Turtal/Neckertal/ Gegenhartzbuoch/ Hemberg/ das Niderampt mit sambt dem fryen Ampt/ und darzue den Hoff Bützißwil/ und die Statt Liechtenstaig/ die bißhar von dem obgenanten Gotzhuß/ min und miner Vordern Pfand/ und die Aigenschafften daran jr gewesen sind/ als ich durch besiglet Brieff von Iñ warlich und gnugsamklich underricht worden bin/ und sunst gentzlich mit allen derselben miner aignen Graffschafft Toggenburg/ deß Hofs Bützißwil/ und der Statt Liechtenstaig/ Lüten und Guoten/Hochen und Nideren Gerichten/ Vogtyen Vogt-Rechten/ Gebietten/ Zwingen/ Bennen/ Freflinen/ Buossen/ Zinsen/ Zechenden/ klainen und grossen/ Vellen/ Stüren/ Nutzen/ Gülten/ Rendten/ Zöllen/ Tefrinen/ Zuofellen/ Lehenschafften/ Mannschafften/ Gaistlicher und Weltlicher Lehen/ Dörfern/ Schlossen/ Burgen/ Burgstallen/ Zymbern/Hüseren/ Höfen/ Hofstetten/ Mülinen/ Mülistetten/ Bomgarten/ Garten/ Pünden/ Dewen/ Egerden/ Wysen/ Wasser/ Wasserflüssen/ und Rünsen/ Jn-und Vßgengen/ Stegen/ Wegen/ Wyern/ Wyerstetten/ Vischen/ Vischentzen/ Gehaltern/ Wuoren und Graben/ Holtz und Veld/ Tälern und Bergen/ Alpen und Alprechten/ mit Vorst und Wyldpanden: Und sunst gentzlich mit allen der genandten Graffschafft Toggenburg/ deß Hofs Bützißwil/ und der Statt Liechtenstaig/ Begryffungen/ Anstössen/ Rechten/ Nützen/ Geniessen/ Früchten/ Ehafftinen/ Guoten/ Gewonhaiten/ Gerechtigkeiten/ Gewaltsaminen/ Herrlikaiten/ und Zuogehörden/ und gemainlich und sunderlich/ mit allem dem/ daß darin und darzue/ von Recht oder Gewonhait/ überal yendert gehört/ gehören soll und mag/ wie das alles genañt/ gestalt/ wo das gelegen/ und woran das ist/ es sye genempt oder ungenempt/ gebuwens und ungebuwens/ fundens und unfundens/ ob oder under der Erd/ dem myndern und dem meren/ gar nichts ußgelassen/ noch hindan gesetzt: Wie deß alles min Bruoder Hiltprand von Raren seelig / und ich/ von dem Wolgepornen Graff Friderich von Toggenburg seeliger Gedächtnis ererbt/ und Wir die bißher innegehept/ und genossen haben. Da für daß diß alles gantz ledig/ loß/ unbekumbret/ und von dem Heiligen Römischen Rych recht Lehen ist/ daselbst ich jnen auch das alles gevörtiget/ und nach aller Notdurft zue jrn Handen ufgesandt und gebracht hab. Und also sollen die obgenandten Apt/ Techant und Convent/ jr ewig Nachkommen/ und das obgenandt jr Gotzhuß/ die vorgenandten Grafschafft Toggenburg/ die genandten Schlösser/ Täler/ und Gegninen/ den Hoff Bützißwil/ und die Statt Liechtenstaig/ mit allen vorgenandten jren/ und jr yetliches Rechten/ Nutzen/ Gülten/ Zinsen/ Zehenden/ Stüren/ Vellen/ Buossen/ Diensten/ Gerechtigkaiten/ Lehenschafften/ Gewonhaiten/ und Zuegehörden/ wie das alles genempt ist/ gar nichtetz ußgenommen / nu fürbaßhin ewigklich/ und yemermer innehaben/ nutzen/ niessen/ besetzen/ entsetzen/ verkouffen/ verlichen/ und damit gefaren/ tuon und lassen/ als mit anderm jrnn/ und deß Gotzhuß Landen/ Stätten/ Dörfern/ Lütent/ und Guotten/ Gerichten/ Zwingen und Bennen/ wie jnen das eben ist/ und wol füeget/ on min/ miner Erben und Nachkommen/ und mengklichs von unserwegen Gumniß/ Jrrung/ und Ansprach. Vnd ist diser redlicher/ und ewiger unabgender Kouff beschehen und vollfürt worden/ umb vierzechen tusent/ und fünfhundert/ guoter vol swerer/ und gerechter Rhinischer Guldin/ die mir die obgenampten Apt/ Techant/ und Konvent darumb geben/ und nach minem guoten Nutz und Willen gewert/ und ußgericht haben/ und die ouch alle in min besseren Nutz und Frommen bewendt/ und angelait sind.

Vnd darumb so hab ich obgenandter Petermann von Raren für mich/ min Erben und Nachkommen/ yetzo mit fryem Willen/ wohlbedachtem Synn/ und Muot/ zuo den Zyten und an den Stetten/ da ich es wohl crefftenklich gethuon kond/ und mocht/ mit allen notdurfftigen Worten/ Wercken/ Gebärden und Getätten/ die hiertzuo gehörten/ und notdürfftig waren/ die obgeschribnen min Graffschafft Toggenburg/ mit sambt den Schlösseren/ Täleren und Gegninen/ den Hoff Bützißwil/ und die Statt Liechtenstaig/ mit allen und yetlichen jren vorgenandten Rechten/ Nützen/ Früchten/ Geniessen/ Zuefällen/ Ehehafften/ Gerechtigkaiten/ Gewaltsaminen/ Herrlikaiten/ Gewonhaiten/ und Zuogehörden/ und gantz mit allem dem/ das darin ald dartzuo yendertgehört/ gehören soll/ und mag/ wie obstät/ dem obgenandten minem Herren dem Apt/ sinem Techant/ und Convent/ zue iren/ jr Nachkommen/ und jrs Gotzhuß Handen/ Nutz und Gewalt ingegeben/ und mit sambt allen Brieffen/ Fryhaiten/ Rödlen/ und Kundtschafften/ so ich und min Vorderen darumb ye gehebt/ und min Bruoder selig Hiltprandt von Raren/ und ich zum Tail ouch an unß gezogen/ und erlößt hand/ vollkommenlichen ingeantwurt/ und Sy deß alles in recht nutzlich und rüwig stille Gewer/ Gebruchunge/ und Jnnhabunge gesetzt/ und min Hand/ und Gewalt abgethan. Vnd darumb so hab ich mich für mich/ und min Erben und Nachkommen/ verzigen/ und verzich mich ouch yetz wüssentlich in Crafft diß Brieffs/ gegen jnen allen jren Nachkommen/ und gen dem egenandten jrem Gotzhuß/ der genandten Graffschafft Toggenburg/ mit sambt den Schlösseren/ Täleren und Gegninen/ wie obstatt/ deß Hofs Bützißwil/ und der Statt Liechtensteig/ mit allen und yetlichen jren vorgenandten Rechten und Zuegehörden/ aller Gerechtigkait/ Vorderung und Ansprach/ aller Aigenschafft/ Lehenschafft/ Kundtschafft/ Lüt/ Rödel/ Fryhaiten und Brieffen/ Besitzungen/ Gewaltsami/ und Gewär/ als Erb und Erbsrecht/ und gemainlich und sunderlich alles deß Rechten/ so Wir daran ald dartzuo ye gehebt haben/ und fürbaß darzue yemer gewünnen sölten oder möchten/ mit oder on Gericht/ Gaistlichem/ ald Weltlichem/ noch mit dehainen anderen Sachen/ Fürzügen noch Funden/ wie man die mit namlichen Worten gehaben/ oder erdenkhen könd/ oder möcht/ Wir selbs/ oder yemand von unsertwegen/ an dehainen Stetten/ noch in dehain Weg. Vnd besunder so vers zich ich mich/ ouch für mich/ und min Erben und Nachkommen/ in Crafft diß Brieffs/ deß Fürzugs/ daß die vorgeschribnen vierzechen tusent / und fünfhundert Rinisch Guldin mit bezalt syen/ und aller andrer Fürzug/ so deß obgenandten Kouffs halb/ daß er nit nach Formb und Bestentlichait deß Rechten vollfürt syge/ yemand zuo Schirm und Hilf fürwenden/ ußziechen und erdenkhen kan oder mag.

Es ist ouch hierinn luter beredt/ ob füro Brieff/ Fryhaiten/ Rödel/ Geschrifft/ Instrument und Karten verhalten wärind/ die jnsunders umb die obgemeldte Graffschafft Toggenburg/ den Hoff Bützißwil/ und die Statt Liechtenstaig mit allen jren vorgenandten Rechten/ Begryffungen/ und Zuegehörden/ und anders als obstätt/ ußwyßten und saiten/ daß die dem obgenandten Abbt Volrichen/ sinem Techant und Convent zue Sant Gallen/und jren ewigen Nachkommen/ zue jren Handen geben werden sond. Wer das yetz dehain Brieff/ Fryhalten oder Instrument/ Rödel oder Karten/ oder hernach über kurtz/ oder lang Zit funden wärint/ oder wurdint/ die sond doch zue unnütz deß obgenandten Gotzhuß tod und absin/ und jm füro dhainen Schadn peren/ noch bringen in kain Weg. Vnd umb daß die offt genandten Apt/ Techant/ und Convent/ jr Gotzhuß / und jr ewig Nachkommen/ by der genandten Graffschafft Toggenburg/ den Schlösseren/ Täleren und Gegninen/ dem Hoff Bützißwil/ und der Statt Liechtenstaig/ mit allen und yetlichen jren vorbenempten Stucken/ Anhängen/ Nachvolgungen/ Herlikaiten/ Gewaltsaminen/ Gewonhaiten/ Gerechtikeiten und Zuogehörden/ wie obstat/ dester rüwiger belyben mygen/ so söllen ich/ min Erben und ewig Nachkommen/ darumb/ und diß Kouffs/ in allen vorgeschribnen Puncten/ und Artickhlen/ jro Recht gewärn/ haissen und sin/ nach aigens/ Lehens und Landtsrecht/ und nach dem Rechten. Also weri/ ob jnen die gar/ oder ein Tail/ oder dehain jr Zuogehörung/ Anhang oder Nachvolgung/ lützel oder vil von yeman/ Gaistlichem oder Weltlichem, wer der wär/ irrig/ ansprechig/ oder mit dem Rechten anbehept wurdint/ so sollen ich/ min Erben/ und ewig Nachkomen/ jnen das alles/ als vil jnn also irrig/ ansprechig/ oder mit dem Rechten anbehept wär/ gen allermengklichen vertretten/ vertgen/ versprechen/ verstän/ und mit dem Rechten ledig/ und unansprächig machen/ und wider zu jren Handen und Gewalt bringen/ daß sie vollenklich/ und wol daran habendt sygent gar und gentzlich/ on allen jren und jrs Gotzhuß Costen/ Mangel/ Abgang und Schaden: Dann wo wir das nit tättind/ so hand sy/ jr Nachkommen/ und all jr Helffer/ von deß genandten Gotzhuß wegen/ darnach vollen Gwalt/ fry Vrlob und guot Recht/ unß darumb mit oder on Recht/ Gaistlichem ald Weltlichem/ an allen unseren Lüten und Guoten/ ligenden/ varenden/ aigen/ Lehen/ Zinsen/ Zehenden/ Stüren und Lybdingen anzegryffen/ die zehefften/ zepfenden/ zenöten/ zeverkouffen/ verganten/ besetzen/ und zeentsetzen/ selbsynnehaben und damit zegefaren/ als mit ander deß Gotzhuß aigen Güetter/ ye als lang/ untz in allweg alle und yetlich vorgeschriben Stuck und Sachen/ daran sy dann ye Bruch und Mangel hätten/ allerding gevertiget ußgericht/ und unansprächig zuo jren Handen und Gewalt ganz/on allen jren Costen und Schaden gebracht sind/ nach aigens/ Lehens und Landtrecht/ und nach dem Rechten/ und sollen daran dhains Wegs nit mißtän noch gefreflet haben: Mich/ min Erben und Nachkommen/ noch dhain unser Lüt/ noch Guot/ ligendts/ varendts/ aigens/ Lehens/ Zinß/ Zehenden/ Stür/ Lypding/ noch nichttz anders/ wie das Gestalt und Namen hat/ soll hiervor noch hierwider/ gar nichttz schirmen/ noch behelffen/ dhain Fryhait/ Glait/ Gnad/ noch Recht/ Gaistlichs noch Weltlichs/ noch sunst nichttz überall/ so yeman herwider zeschirm und beheffen gehaben/ gehaben/ und erdencken könd/ oder möcht/ in dehamen Weg; dann ich mich deß allen/ für mich und min Erben und Nachkommen hierinn gantz entzigen und begeben hab/ in Crafft diß Brieffs etc. alle Geferd/ böß Fünd und Arglist hierinn gantz vermitten/ und hindan gesetzt. Doch mit luterem Underschaid und Bedingt/ ob min Vetter von Toggenburg seeliger Gedächtniß/ min Bruoder seelig oder ich/ yemand versetzt oder verkoufft hätten/ uß dem Pfandt Bützißwil/ daß dieselben by jren Pfanden und Köuffen beliben sollent/ nach jr Brieffen Vßwysung/ lut und Sag ungevarlich.

Vnd deß zuo warem offem Vrkundt/ und ewiger Sicherheit so hän ich obgenandter Petermann von Raren Fry/ min aigen Insigel/ für mich/ all min Erben/ und Nachkommen offenlich tuon henckhen an disen Brieff; und zue noch mehrer und besserer Sicherheit aller obgeschribner Dingen mit Ernst erbetten die Edlen/ Wolgepornen Herzen/ Walthern von Bußnang/ Comenthur deß Huß ze Tobel/ Sant Johañß Ordens/ und Hansen von Höwen/beed Freyherren/ mine liebe Ohem/ daß die jre aigen Iñsigle ouch für mich/ mine Erben und Nachkommen/ doch jnen beeden/ und jren Erben on Schaden/ an disen Brieff offenlich gehenckt haben. Der geben ist zuo Lütispurg am Donstag nechst vor Sant Thomas deß Heiligen Zwölffbotten Tag/ deß Jars/ als man zalt nach der Geburt Christi/ tusent/ vierhundert/ sechzig und acht Jahr.